Du?
Ja, barnet mitt!
Kva er det du gjer?
Eg held på med ein vev.
Du?
Ja, barnet mitt!
Kva er du vevar?
Det er menneska sitt liv på jord.
Du?
Ja, barnet mitt!
Kvifor brukar du den kvite tråden i lag med den svarte stygge tråden?
Når den kvite tråden vert brukt saman med den svarte, så ser den kvite endå
kvitare ut og ”lyser” meir opp i veven.
Du?
Ja, barnet mitt!
Brukar du ikkje litt mykje av den svarte tråden?
Nei, barnet mitt, skal veven verte slik eg vil ha den, så må eg bruke så
mykje av den.
Du?
Ja, barnet mitt!
Kvifor brukar du den grå tråden?
Dei andre fargane kjem meir fram og ser endå ”finare” ut når den grå fargen
vert brukt saman med dei.
Du?
Ja, barnet mitt!
Kva tråd brukar du nå?
Det er gulltråd, barnet mitt.
Den var fin, - mykje finare enn alle dei andre trådane du har. Kvifor brukar du
ikkje meir av den?
Gulltråden er fin, barnet mitt, - men den er ikkje så sterk som dei andre
trådane. Dersom eg brukar for mykje av gulltråden, så vil det eg vevar ikkje
tåle så mykje og lettare gå sundt!
Du?
Ja, barnet mitt!
Det du vevar ser ikkje så fint ut!
Det er fordi du er så liten at du ser veven frå undersida. Men seinare ein
gong, så skal du få sjå veven frå rettsida, og då skal du få sjå kor fint det
vert. Og då vil du forstå kvifor eg brukte så mykje av kvar tråd og farge. Berre
hald ut, så skal du få sjå!
Send meg e-post ved å trykkje på namnet mitt: Sist endra: 15.01.2015
Joh 17:3 Og dette er det evige livet, at dei kjenner deg, den einaste sanne Gud, og han du sende, Jesus Kristus.
